Səhih Müslim (Zahidlik (Tərki-dünyalyalıq) və (qəlbi) incəliklər)-Danışdığı bir sözünonu Cəhənnəmə varid etməsi haqda.
On yeddinci fəsil: Danışdığı bir sözün onu Cəhənnəmə varid etməsi haqda.
Əbu Hüreyrə (r.a) Peyğəmbər (s.a.v) belə dediyini rəvayət edir: “Şübhəsiz, qul mənasını bilmədən bir söz danışar və bu səbəblə Cəhənnəmdə şərq ilə qərb arası məsafədən daha uzağa düşər.”
On səkkizinci fəsil: Möminin bütün işləri xeyirdir.
Suheyb (r.a) Peyğəmbərin(s.a.v) belə dediyini rəvayət edir: “Möminin işi necə də qəribədir! Onun bütün işləri xeyirdir. Bu yalnız möminə məxsusdur. Ona sevinc üz verdikdə, Allah-Təalaya şükür edər və bu onun üçün xeyir olar. Başına zərərli bir iş gələrsə səbir edər və bu da onun üçün xeyirli olar.”
——————
Səhih Müslim
İmam Əbu əl-Hüseyn Müslim ibn əl-Həccac əl-Quşeyri əl-Neysəburi
Ərəb dilindən tərcümə edənlər:
İsrafilov Anar Telman oğlu
Hacıyev Arif Süleyman oğlu
Redaktor:
Heydərov Rəfail Mikayıl oğlu
Azərbaycan Respublikası Dini Qurumlarla İş Üzrə Dövlət Komitəsinin
29.12.2009-cu il tarixli DK-408/B saylı məktubu ilə
nəşrə razılıq verilmişdir